Íslenskar stofnanir og fyrirtæki búa mörg hver yfir góðum og mikilvægum gagnasöfnum. Hér verða dregin fram nokkrir aðilar sem liggja á verðmætum lindum sem gætu orðið til mikillar framþróunar og hagsbóta, og því upplagt að bjóða uppá.
Strætó bs., og raunar allir þeir sem sinna samgöngum, ættu að opna leiðakerfi sín og búa til einfalt API-viðmót. Þannig gætu öll fyrirtæki á auðveldan hátt sett inn textareit á heimasíðu sinni þar sem viðkomandi skrifar staðsetningu sína og kerfið finnur strax hvernig maður kemst þangað með strætó. Með hinum nýja HTML5-staðli þar sem heimasíður hafa aðgang að staðsetningu þess sem vafrar (hvort sem er í síma eða tölvu) verður þessi valmöguleiki enn þægilegri þar sem ekki þarf að skrifa inn staðsetningu heldur kæmi leiðarlýsingin beint upp á „Um okkur“-síðunni.
Veðurstofan er ein fárra stofanana sem hefur eitthvað sinnt gagnadreifingu. I-frame þjónustan og XML þjónustan er þannig fyrirmyndar. Öllum aðgangi að eldri gögnum, hvort sem eru veðurmælingar, jarðskjálftagögn, þenslumælingar, rennslismælingar eða annað er mjög ábótavant (eða bara hreint ekki til staðar). Úr því stofnunin sýnir góðan vilja, væri gaman að sjá úrbætur úr þessu.
Flugfélagið varpar komu- og brottfarartímum sínum inn á textavarpið og inn á heimasíðu sína. Af hverju ekki opna öllum aðgang að gagnastrauminum?
Lesendur eru hvattir til að breyta þessum lista og bæta við hugmyndum.