Hvernig get ég hjálpað Opnum gögnum?

  • Kynntu þér rökin sem styðja sýnina um opin gögn og segðu öðrum frá framtakinu.
  • Hvettu aðila sem eiga gagnasöfn til að kynna sér tækifærin sem liggja í opnum gögnum og velta fyrir sér hvort þau geti gert betur.
  • Skráðu hér á vefinn gagnasöfn sem þú finnur eða kemst á snoðir um að séu til. Öflun þessarra upplýsinga hjálpar málstaðnum, en líka því fólki sem kann að vera á höttunum eftir ákveðnum gögnum en veit ekki hvar þau er að finna.
  • Settu tengil á Opin Gögn inn á vefsíðuna þína. Þú getur t.d. notað þessa mynd:

Hvað á að skrá og hvernig?

Á opingogn.net erum við að safna saman skrá yfir aðila - einkum opinbera aðila - sem eiga gagnasöfn sem eru, ættu að vera eða gætu verið opin.

Um hverja stofnun eða fyrirtæki reynum við að skrá stutta klausu um stofnunina með áherslu á hlutverk eða starfsemi sem snýr að gagnasöfnun og -miðlun.

Því næst eru talin upp einstök gagnasöfn sem stofnunin hefur yfir að ráða.

Gagnasafn telst heildstætt safn af gögnum um ákveðið efni, sem eðlilegt er að sé skráð og miðlað sé í samhengi. Þessi skilgreining er þó býsna loðin. Þannig lítum við t.d. svo á á að aflatölur íslenska fiskiflotans sé eitt gagnasafn og skipaskrá annað, þó svo að oft sé eðlilegt að þessum gögnum sé miðlað í einhverskonar samhengi. Ekki láta þessar skilgreiningar trufla ykkur - aðalatriðið er að skrá söfnin. Það má svo dunda sér við það seinna að meta hvað sé eitt og hvað fleiri gagnasöfn.

Um hvert gagnasafn er æskilegt að efni þess og umfangi sé lýst eftir því sem upplýsingar liggja fyrir um það, sem og þeim skilyrðum sem gilda um aðgang, notkun og endurbirtingu gagnanna. Þarna er æskilegt að fram komi upplýsingar um gjaldtöku, leyfismál og þess háttar.

Hvað gagnasöfn fyrirtækja og annarra einkaaðila varðar, sækjumst við einkum eftir upplýsingum um opin gagnasöfn, eða gagnasöfn sem við teljum tækifæri í fyrir viðkomandi að opna að hluta eða öllu leiti. Slík tækifæri geta t.d. falist í nýjum tekjuleiðum gegnum gjaldtöku, afleidda sölu (hótel sem opnar aðgengi að bókunarstöðu gæti verið dæmi um slíkt) eða einfaldlega í formi velvildar þeirra sem geta notað gögnin til annarra verka.

Get ég haft samband við einhvern um Opin Gögn?

Alveg endilega. Aðstandendahópur Opinna Gagna telur í dag: