Árnastofnun

Árnastofnun eða "Stofnun Árna Magnússonar í íslenskum fræðum" varð til við samruna Árnastofnunar, Orðabókar Háskólans, Íslenskrar málstöðvar, Örnefnastofnunar og Stofnunar Sigurðar Nordals. Stofnunin hefur yfir að ráða ýmsum áhugaverðum gagnasöfnum:

• Beygingarlýsing íslensks nútímamáls: Inniheldur beygingarmyndir meira en 260.000 íslenskra orða. Leitaraðgengi opið á vefnum. Veturinn 2009-2010 var aðgengi að heildarsafni gert gjaldfrjálst í tenglsum við verðlaunasamkeppnina Þú átt orðið. Aðgengi að gögnunum þarfnast skráningar og áframdreifing efnisins er háð samkomulagi við Árnastofnun.
• Bragi - óðfræðivefur: Bragarhættir ljóða og lagasafn tengt þeim; lausavísur; bragfræðileg handbók o.fl.
• Bæjatal: Skrá yfir alla sveitabæi á Íslandi með upplýsingum um sveitarfélag og sýslu. Leitaraðgengi á vefnum. Óljóst með aðgengi að heildarsafni.
• Fræðimannaskrá: Fræðimannaskrá Stofnunar Árna Magnússonar í íslenskum fræðum inniheldur upplýsingar um á sjötta hundrað fræðimenn í íslenskum fræðum um allan heim. Leitaraðgengi á vefnum. Óljóst með aðgengi að heildarsafni.
• Hallgrímsgrunnur: Allar upplýsingar um kvæði eignuð Hallgrími Péturssyni í hvaða handriti sem þau finnast.
• ÍSLEX: Í vinnslu. Orðabókarverk sem er unnið á vegum Stofnunar Árna Magnússonar í íslenskum fræðum (áður Orðabókar Háskólans) ásamt samstarfsstofnunum á Norðurlöndum.
• Ísmús - Íslenskur músík- og menningararfur - Munnleg geymd: Hér má fá aðgang að þjóðfræðahljóðritunum Árnastofnunar sem safnað var á síðari hluta 20 aldar, alls er um 2000 klst. Safnið samanstendur af viðtölum við eldra fólk úr öllum landshlutum. Meira en 4000 hljóðupptökur í safninu. Leitaraðgengi á vefnum. Óljóst með aðgengi að heildarsafni.
• Málfarsbanki Íslenskrar málstöðvar: Safn málfarsdæma og leiðbeininga um notkun íslenskra orða. Leitaraðgengi á vefnum. Óljóst með aðgengi að heildarsafni.
• Mörkuð íslensk málheild (MÍM): Í vinnslu. Stefnt er að því að í málheildinni verði í fyrstu um 25.000.000 orð. Þessi orð eiga að koma úr um 900 textabútum sem skiptast á tiltekinn hátt eftir uppruna og efni. Hámarksstærð hvers textabúts verður 40.000 orð. Gert er ráð fyrir að textarnir verði úr ritum sem gefin hafa verið út frá árinu 2000. Stefnt er að því að orð verði greind á vélrænan hátt með um 90% nákvæmni. Hverju orði í málheildinni fylgi grunnmynd orðsins og málfræðilegar upplýsingar svo sem orðflokkur og beygingarfræðilegar upplýsingar. Stefnt er að því að mörkun um einnar milljónar lesmálsorða í málheildinni verði leiðrétt handvirkt.
• Nafnaskrá yfir Grímni 1-3: Í listanum eru einkum örnefni en einnig fuglanöfn, goðanöfn og stöku viðskeyti. Efnið er aðgengilegt á vefnum, en óljóst með afnotaleyfi.
• Orðabanki Íslenskrar Málstöðvar safnar fræðiheitum og sameinar þau þannig að ekki séu á kreiki mörg heiti um sama fyrirbærið. Leitaraðgengi á vefnum. Óljóst með aðgengi að heildarsafni, en í ljósi þess að "Íslensk málstöð gerir samning við höfunda orðasafna um að þeir fái endurgjaldslausan aðgang að skráningarkerfinu gegn því að málstöðin megi birta orðasöfnin í orðabankanum á Netinu. Höfundar hafa eftir sem áður allan rétt til verka sinna og geta birt þau hvar og hvenær sem þeir vilja." - má ætla að slíkur slíkur aðgangur sé ekki auðveldur.
• Orðanet : Íslenskt orðanet er rannsóknarverkefni sem unnið er að á Stofnun Árna Magnússonar í íslenskum fræðum og er í því fólgið að sundurgreina og flokka íslenskan orðaforða eftir merkingareinkennum orðanna... Til að veita innsýn í verkefnið og framgang þess hefur verið komið upp vefsíðu með úrvali af því efni sem orðanetið hefur að geyma, með sérstakri áherslu á samheitatengingar á grundvelli orðasambanda og samsetninga. Hér er um að ræða bráðabirgðabirtingu í kynningarskyni og hugmyndin er að efnið á vefsíðunni verði breytilegt frá einum tíma til annars.
• Orðasambönd: Orðasambönd með lykilorðum. Orðasambandaskráin er unnin upp úr tölvuskráðum notkunardæmum úr Ritmálssafni Orðabókar Háskólans sem spanna íslenskar ritheimildir allt frá miðri 16. öld. Í skránni birtist fjölbreytileg mynd af notkun einstakra orða í föstum samböndum og í dæmigerðu samhengi við önnur orð. Orðasambandaskráin hefur nú að geyma rösklega 135.000 orðasambönd af ýmsu tagi, sem tengd eru u.þ.b. 57.500 lykilorðum (leitarorðum). Leitaraðgengi á vefnum. Óljóst með aðgengi að heildarsafni.
• Orðstöðulyklar: skrá yfir orðmyndir sem koma fyrir í tilteknum texta eða textum, ásamt upplýsingum um nánasta samhengi þeirra. Algengastir eru svonefndir KWIC-lyklar (e. Key Word In Context) þar sem hvert dæmi um lykilorðið stendur í miðri línu ásamt orðum sem standa næst á undan því og eftir í textanum. Jafnframt fylgir hverju dæmi tilvísun sem sýnir hvar í textanum það er að finna. Leitaraðgengi á vefnum. Óljóst með aðgengi að heildarsafni.
• Ritmálssafn: Ritmálssafn Orðabókar Háskólans hefur að geyma dæmi um notkun orða í íslenskum ritheimildum á nærri fimm alda tímabili, frá miðri 16. öld til loka 20. aldar. U.þ.b. 700 þúsund uppflettiorð, (2,5 milljónir dæma á seðlum í kössum en ekki allt í gagnasafninu). Leitaraðgengi á vefnum. Óljóst með aðgengi að heildarsafni.
• Sagnanet: Sagnanetið veitir aðgang um Netið að stafrænum myndum af u.þ.b.240.000 blaðsíðum handrita og um 153.000 blaðsíðum prentaðra rita. Leitaraðgengi á vefnum. Óljóst með aðgengi að heildarsafni.
• Sarpur: Gagnagrunnur um örnefni frá fyrrum Örnefnastofnun.
• Skammstafanaskrá BÍN: Skrá um skammstafanir með upp&! 64258;ettimynd, normalíseringu og skýringu (að hluta). Skráin er &64258;okkuð eftir gerð skammstöfunar o.fl. Varð til við vinnslu Beygingarlýsingar íslensks nútímamáls.
• Stafrænt handritasafn: Skannaðar myndir af hlutum ýmissa handrita. Aðgengilegt á vef, en óljóst með aðgengi að heildarsafni til annarra nota.
• Textasafn: Í Textasafni Orðabókarinnar eru gamlir og nýir textar af ýmsum toga sem skiptast á milli 30 efnisflokka, samtals um 60 milljónir lesmálsorða, mest frá síðustu 15–20 árum en í safninu er líka eldra efni. Safnið er &! 64258;okkað í efnis&64258;okka og eftir aldri. Textasafnið er mikilvægt hjálpargagn þeim sem fást við málfræðirannsóknir, s.s. beygingarfræði, setningarfræði og orðabókarfræði, einnig við orðtíðnikannanir o.fl. Leitaraðgengi á vefnum. Óljóst með aðgengi að heildarsafni.
• Þjóðfræðisafn: Hljóðrit í þjóðfræðisafni.